Ճապոնիայի վարչապետը հրաժարվում է իր աշխատավարձից

Ճապոնիայի վարչապետ Նաոտո Կանը հայտարարել է, որ կառավարությունը պատասխանատու է «Ֆուկուսիմա-1» ատոմակայանում տեղի ունեցած վթարի համար, եւ, որպես պատասխանատու անձ` ներողություն է խնդրել իր ժողովրդից:

Այսօր լրագրողների հետ հանդիպման ժամանակ նա ասել է, որ պատասխանատուն միայն ատոմակայանի օպերատոր ընկերությունը` «Տոկիո Էլեկտրիկ Փաուերը» չէ, այլ նաեւ կառավարությունը, քանի որ նա է մշակում ոլորտի քաղաքականությունը:

Վարչապետը հայտարարել է, որ հունիս ամսից պետական գանձարան է վերադարձնելու իր աշխատավարձը` այնքան ժամանակ, քանի դեռ ատոմային ճգնաժամը չի կարգավորվել:

Նմանատիպ որոշում է կայացրել նաեւ «Տոկիո Էլեկտրիկ Փաուեր»-ի ղեկավարությունը: