Էրդողանը Նյու Ստամբուլ է կառուցում

Այսօր Թուրքիայի վարչապետ Ռեջեփ Թայիփ Էրդողանը հրապարակել է Ստամբուլը երկու մասի բաժանելու իր ծրագիրը, որը ԶԼՄ-ները որակել են որպես «խելահեղ»:

Ինչպես տեղեկացնում է թուրքական «Հուրիեթ» օրաթերթը, խոսքը Ստամբուլի կողքին նոր քաղաք` Նյու Ստամբուլ կառուցելու մասին է: Այն տեղափոխելու է քաղաքի կենտրոնը դեպի սեւծովյան ափ` հեռու պատմական եւ ճարտարապետական արժեքներից:

Էրդողանը, որը 4 տարի Սատմբոլի քաղաքապետ է եղել, համարում է, որ ներկայիս մեգապոլիսը գերբնակեցված է. դրա բնակչության թիվը շուտով կանցնի 17 միլիոնից: Նախագծի նյութերում նշվում է նաեւ, որ նպատակ է դրվել քաղաքի բնակչությանն առավել լավ պաշտպանել երկրաշարժերից ու այլ բնական աղետներից, ստեղծել ապրելու համար իդեալական պայմաններ: