Մարոզը հարձակվել է "Հրապարակ"-ի խմբագրության վրա

Առավոտյան  երկու կանանց (ոմն Անահիտի) եւ մեկ տղամարդու ուղեկցությամբ «Հրապարակիե խմբագրություն է մտել «Զինվոր» ՀԿ-ների համագործակցության  իրավապաշտպան համակարգող խորհրդի նախագահ Մարգարիտա Խաչատրյանը՝ հայտնի Մարոզը և գլխավոր խմբագիր Արմինե Օհանյանից  հաշիվ է պահանջել  օրաթերթում  այսօր տպագրված լուրի համար:
 
«Մարոզի» տրամադրվածությունից հասկացվել է, որ նա նաեւ ֆիզիկական հաշվեհարդար տեսնելու նպատակով է այցելել խմբագրություն: Ըստ գլխավոր խմբագիր Արմինե Օհանյանի, «Մարոզի» պատվիրակությանը   հանգստացնելու բոլոր  փորձերը ապարդյուն են անցել, եւ նրանք ստիպված զանգահարել են ոստիկանություն:
 
«Կոտրեցին  բաժակները,սեղանի վրա դրված թերթերը  պատառոտելով եւ մեր դեմքերին շպրտելով, «Մարոզը»  հիշեցրեց, որ ինքը զոհվածի մայր է` ըստ այդմ նաեւ անձեռնմխելի, մի շարք անեծքներ տեղալով մեր հասցեին (թող ձեր մայրերը ձեզ դագաղի մեջ տեսնեն),  իր շքախմբով հեռացավ», yerkir.am-ին ասաց Արմինե Օհանյանը:

Գլխավոր խմբագիրը  հանցագործության մասին հաղորդում է ներկայացրել ոստիկանությունում:  Նշենք , որ Արմինե Օհանյանը ստացել է նաև թեթև մարմնական վնասվածք: