Ուրգանտը` Չե Գեւարա

Հայտնի հեռուստահաղորդավար Իվան Ուրգանտը որոշել է թողնել աշխատանքը հեռուստատեսությունում եւ իրեն հիմնավորապես նվիրել դերասանական արվեստին:

Ռուսաստանյան ԶԼՄ-ներում տեղեկություններ են հայտնվել, թե նա մի շարք հետաքրքիր առաջարկներ է ստացել: Ասում են` Իվանին իր նոր` «Չե Գեւարա» ֆիլմի գլխավոր դերում հաստատել է Էմիր Կուստուրիցան:

Ուրգանտը Կուստուրիցայի հետ ծանոթացել է կորպորատիվ երեկույթներից մեկի ժամանակ: Ռեժիսորը շատ է հավանել ուրախ «շատախոսին» եւ նրան առաջարկել է Չե Գեւարայի դերը:

Նոր ֆիլմի նկարահանումները սկսվելու են այս տարվա աշնանը, դրանք տեղի են ունենալու Կենտրոնական Ամերիկայի երկրներից մեկում: