Գարու սերմնացուի առաջին խմբաքանակը Հայաստանում է

Հայաստանի վարչապետ Տիգրան Սարգսյանն այսօր այցելել է Արարատի մարզի «Մասիս» երկաթգծի կայարան, որտեղ ներկա է եղել Հայաստան ներմուծված գարու սերմացուի առաջին խմբաքանակի բեռնաթափմանը:

Ուկրաինայից Հայաստան է բերվել նախատեսված 2000 տոննա սերմացուի 189 տոննան: Գյուղատնտեսության պատախանատուները կառավարության ղեկավարին զեկուցել են ներկրված սերմացուի որակի մասին` նշելով, որ առաջին վերարտադրողական սերմացուն կտրվի հանրապետության սոցիալապես անապահով համայնքների ներկայացուցիչներին:

Նախատեսվում է, որ գարու 1 կգ սերմացուից կստացվի 56 անգամ ավելի բերք:

Ներկրված սերմացուն կբաշխվի Լոռու, Արագածոտնի, Տավուշի, Արարատի և Արմավիրի մարզերի, իսկ առաջիկայում ներկրվող սերմացուն` բարձրադիր գոտիների գյուղացիական տնտեսություններին. տեղեկացնում է ՀՀ կառավարության տեղեկատվության եւ հասարակայնության հետ կապերի վարչությունը: