Աստված` վերեւում, Կարապետիչը` ներքեւում

Ժողովրդական կուսակցությունն առաջիկայում հանրահավաք է անցկացնելու Գյումրիում, իրեն զորակցող ազատամարտիկների հետ` համաժողով, իսկ ապրիլի 10-ին հանրահավաք եւ երթ է լինելու Երեւանում. այսօր լրագրողներին իր ծրագրերը ներկայացրեց կուսակցության նախագահ Տիգրան Կարապետյանը:

Անդրադառնալով Րաֆֆի Հովհաննիսյանի հացադուլին`ԺԿ նախագահն այդ քայլը խիզախ որակեց` նշելով, որ դա քաղաքացիական ձեւաչափ է` ուղղված ոչ միայն իշխանության դեմ, այլեւ հասարակությանը արթնացնելուն:

«Երբեք մի' ասա երբեք»,- ասաց Տիգրան Կարապետյանը` պատասխանելով հարցին, թե ինքը երբեւէ կդիմի՞ նման քայլի:

Ըստ նրա` ինքը պայքարի նոր ձեւ է գտել, սպասենք անակնկալների: