Հրդեհ` ճապոնական ատոմակայանում

Ճապոնիայում այսօր տեղի ունեցած ավերիչ երկրաշարժից անմիջապես հետո էպիկենտրոնի մոտակայքում գործող «Օնագավա» ատոմակայանում հրդեհ է բռնկվել. տեղեկացնում է ճապոնական «Կիոդո» գործակալությունը: Բարեբախտաբար, գործել է անվտանգության համակարգը:

Երկրաշարժից հետո անմիջապես անջատվել են 4 ատոմակայանների ռեակտորները:

Ավելի վաղ, Ճապոնիայի վարչապետը, որը գլխավորում է աղետի հետեւանքների վերացման ազգային շտաբը, հայտնել է, որ երկրաշարժը մեծ վնաս է հասցրել երկրի հյուսիսարեւելյան շրջաններից, սակայն ատոմակայանի սարքավորումները չեն վնասվել, եւ ռադիացիոն հոսք չի եղել:

Վերջին տեղեկությունների համաձայն` երկրաշարժի զոհերի թիվը 60 է: