Մահացել է "Ատլետիկոյի" լավագույն ռմբարկուն

Երեկ Մադրիդում մահացել է Մադրիդի «Ատլետիկոյի» նախկին հարձակվող 83-ամյա Ադրիան Էսկուդերոն. հաղորդում է իսպանական Marca-ն:

Էսկուդերոն իր ողջ պրոֆեսիոնալ կարիերան անցկացրել է մադրիդյան ակումբում: «Ատլետիկոյում» նա սկսել էր հանդես գալ 1945-ից, երբ դեռ 17 տարեկան էր, իսկ ավարտել է կարիերան 1957/58թթ. մրցաշրջանից հետո:

Ընդհանուր առմամբ, ազգային առաջնություններում Էսկուդերոն «Ատլետիկոյի» կազմում անցկացրել է 287 հանդիպում և դարձել 150 գոլի հեղինակ: Իսկ մնացած պաշտոնական հանդիպումներում նա 170 գնդակ է խփել: Էսկուդերոն 3 անգամ հանդես է եկել Իսպանիայի հավաքականի հիմնական կազմում: 2 անգամ էլ «Ատլետիկոյի» կազմում ճանաչվել երկրի չեմպիոն: Նա համարվում է թիմի լավագույն ռմբարկուն ակումբի բազմամյա պատմության մեջ: