Կարեւոր է հատկապես Քաշաթաղի եւ Շահումյանի վերաբնակեցումը

Արցախի համար վերաբնակեցումը եւ հայրենադարձությունը պետական քաղաքականության առաջնահերթություններից են: «Մեր այն հայրենակիցները, ովքեր կցանկանան վերաբնակվել ազատագրված տարածքներում, կառավարությունից կստանան հողային հատկացում եւ վարկային աջակցություն»,- երեկ Բեյրութում հրավիրած մամուլի ասուլիսում նշել է ԼՂՀ վարչապետ Արա Հարությունյանը:

Վարչապետը շեշտել է, որ Արցախի համար կարեւոր է հատկապես Քաշաթաղի եւ Շահումյանի շրջանների վերաբնակեցումը, որովհետեւ այդ տարածքներն ունեն ռազմավարական եւ տնտեսական կարեւոր նշանակություն:

Արա Հարությունյանը նշել է, որ եթե Արցախի կառավարության հնարավորությունները բավարարեին, ապա վերաբնակեցման լայն ծրագրեր կիրագործվեին նաեւ ազատագրված մյուս շրջաններում: