Առանց վիզային ռեժիմի

Գործադիրն այսօրվա նիստում հաստատել է «ՀՀ կառավարության և Արգենտինայի Հանրապետության կառավարության միջև սովորական անձնագրերով վիզային ռեժիմի վերացման մասին» համաձայնագրի կնքման առաջարկությունը։

ՀՀ արտաքին գործերի փոխնախարար Արման Կիրակոսյանի խոսքով` համաձայնագրի կնքումն աննախադեպ է, քանի որ, նախկին ԽՍՀՄ հանրապետություններից բացի, Արգենտինան կլինի առաջին պետությունը, որի հետ Հայաստանը կունենա այցելություններ` առանց վիզային ռեժիմի:

«Դա կխթանի ոչ միայն Հայաստանի եւ Արգենտինայի միջեւ բարեկամական հարաբերությունների հետագա զարգացումը, այլեւ կնպաստի քաղաքացիների փոխադարձ այցելություններին»,- նշել է փոխարտգործնախարարը: