Բիլյալետդինով. "Ռուսաստանը պետք է ագրեսիվ խաղա"

Հայստան-Ռուսաստան ընտրական հանդիպումը սպասվածից ավելի սկանդալայինէ դառնում:

«Էվերթոնի» և Ռուսաստանի հավաքականի կիսապաշտպան Դինյար Բիլյալետդինովը Լիվերպուլ վերադառնալուց անմիջապես հետո հարցազրույց է տվել Eurosport.ru-ին, որի ժամանակ խոսել է Իրանից կրած պարտության և Հայաստանի հավաքականի դեմ խաղում իր դիրքորոշման մասին. «Իրանի հետ խաղը մարզչական շտաբը դիտարկում էր, որպես Հայաստանի հետ առաջիկայում կայանալիք հանդիպման նախապատրաստություն»:

Այն հարցին, թե արդյոք Հայաստանի նման մրցակիցների հետ չպե՞տք է խաղալ ագրեսիվ, այլ ոչ թե հարմարվել նրանց գործողություններին, Բիլյալետդինովը պատասխանել է. «Ես կարծում եմ, որ այո՛: Այդ երկու խաղերը որոշիչ կլինեն: Անհրաժեշտ է խաղը մեր թելադրանքով անցկացնել: Ի դեպ, մարզիչները միշտ գիտեն` ինչ անեն, մնում է` մենք կարողանանք նրանց հրահանգներն իրագործել»: