Համայնքի ղեկավարն իրեն խանի ու բդեշխի պես է պահում

Կառավարությունը թույլ է տվել, որ համայնքի ղեկավարը, ըստ էության, կարողանա բդեշխի կամ խանի կարգավիճակով իր ուզած քայլերն իրականացնել. այսօր ԱԺ նիստում հայտարարեց ՀՅԴ խմբակցության անդամ Արծվիկ Մինասյանը:

Անդրադառնալով  Իջևանի քաղաքապետ Վարուժան Ներսիսյանի (նկարում) և ավագանիի հակամարտությանը, նա նշեց, որ ընտրություններին ավագանու 15  անդամներից 13-ն է ընտրվել, իսկ հետագայում ընտրվածների թիվը կրճատվել է: Եվ այս պարագայում, երբ, ըստ էության, ավագանի գոյություն չունի, կառավարությունը թույլ է թվել, որ համայնքի ղեկավարը փետրվարի 9-ին նիստ հրավիրի` բյուջեն հաստատելու նպատակով:

Հարկավոր էր նախ ավագանու ընտրություններ անցկացնել, այնինչ` համայնքի ղեկավարը միանձնյա եւ անխնա  օգտագործել է համայնքային սեփականություն հանդիսացող համայնքային բյուջեն:

Ա. Մինասյանը նշեց, որ նման խախտումներ կատարողները պետք է պատասխանատվության ենթարկվեն: