Ո՞ւմ օգտին են աշխատում ֆրանսիացի պատվիրակները

ԵԽԽՎ-ում հայաստանյան պատվիրակության անդամ Նաիրա Զոհրաբյանը փորձելու է պարզել, թե հօգուտ ո՞ր երկրի են միջազգային կառույցներում աշխատում Ֆրանսիայի ներկայացուցիչները:

Այսօր լրագրողների հետ հանդիպման ժամանակ նա ասաց, թե պատրաստվում է դիմել ԵԱՀԿ Մինսկի խմբի ֆրանսիացի համանախագահին: Ն. Զոհրաբյանին վրդովեցրել է այն, որ ֆրանսիացի պատգամավոր Ժան Կլոդ Մինյոնը որեւէ կերպ չի արձագանքել Արցախի հիմնախնդրով ենթահանձնաժողովի վերստեղծման որոշմանը:

Այնինչ` ԵԽԽՎ Բյուրոյի նիստից մեկ օր առաջ Նաիրա Զոհրաբյանն անձամբ է հանդիպել Մինյոնին: Նա ասել է, թե լիովին համակարծիք է հայկական կողմի դիրքորոշումներին, եւ թե, բացի ԵԱՀԿ Մինսկի խմբից, համակարտությունը լուծելու այլ ձեւաչափ լինել չի կարող: Խոստացել է նաեւ, որ իր տեսակետը ներկայացնելու էր Բյուրոյի նիստի ժամանակ,  սակայն լռել է:

«Միանշանակ է, որ Մինյոնն իր լռությամբ չէր արտահայտում Ֆրանսիայի` համանախագահող երկրի տեսակետն ու դիրքորոշումը»,- ասաց Նաիրա Զոհրաբյանը: