Նախարարությունների թիվը կավելանա եւս մեկով

ԼՂՀ կառավարության նիստում գործադիրի քննարկմանը ներկայացվեց ԼՂՀ կառավարության կառուցվածքի մասին օրենքում կատարվելիք փոփոխությունները, ըստ որոնց՝ կառավարությանն առընթեր արտադրական ենթակառուցվածքների վարչությունը կվերակազմակերպվի նախարարության:

Ինչպես նիստում ներկայացվեց, փոփոխության համաձայն՝ լուծարվելու է կառավարությանն առընթեր ջրային տնտեսության վարչությունը:

Վերոնշյալ փոփոխություններն արժանացան գործադիրի հավանությանը, որին կհաջորդի Ազգային ժողովում հարցի քննարկումը:

Թե ում կնշանակեն նոր նախարարության ղեկավար՝ դեռ պարզ չէ, բայց տարբեր շրջանակներում նշում են արտադրական ենթակառուցվածքների ներկայիս վարչության պետ Կառլեն Պետրոսյանի անունը: