ՀԱՅԿԱԿԱՆ ԺԱՄԱՆԱԿ. Պաշտպանը գնում է

ՀՀ մարդու իրավունքների պաշտպան Արմեն Հարությունյանը Եվրոպայի խորհրդի մարդու իրավունքների հանձնակատար Թոմաս Համմարբերգի Հայաստան կատարած այցի ավարտից հետո պաշտոնապես կհայտարարի իր հրաժարականի մասին:

Արմեն Հարությունյանը «Հայկական ժամանակի» թղթակցի հետ զրույցում հաստատել է առաջիկայում հրաժարական ներկայացնելու մտադրության մասին լուրը, սակայն օրը չի նշել: Օմբուդսմենը հաստատել է նաեւ այն, որ ինքն արդեն ստորագրել է Կենտրոնական Ասիայում ՄԱԿ-ի մարդու իրավունքների հանձնակատարի ներկայացուցիչ նշանակվելու մասին համաձայնագիրը: Հարությունյանը տեղյակ չէ, թե իրենից հետո ով է նշանակվելու ՀՀ ՄԻ պաշտպան: Մեր տեղեկություններով, դեռեւս անցած տարվա վերջին թեկնածուների շարքում քննարկվել է GTZ իրավական խորհրդատվության հայաստանյան գրասենյակի համակարգող Վարդան Պողոսյանի թեկնածությունը: Սակայն Պողոսյանը հրաժարվել է օմբուդսմենի պաշտոնից: