Ազդեցիկ գործիք` Թուրքիայի հետ հարաբերություններում

«Մոդուս-վիվենդի» կենտրոնի ղեկավար Արա Պապյանն առաջարկում է միջազգային անուն եւ բարձր որակավորում ունեցող միջազգային իրավունքի ոչ հայ մասնագետների խմբի միջոցով անցկացնել հայ-թուրքական սահմանին վերաբերող իրավական բոլոր փաստաթղթերի փորձաքննություն: ՙԱյդ խմբի եզրակացությունը շատ ավելի ազդեցիկ գործիք կդառնա Թուրքիայի հետ մեր հարաբերություններում, քան եւս մի երկու երկրի կողմից Հայոց ցեղասպանության հերթական ճանաչումը», - ասաց նա ԵՐԿԻՐ-ին:

Ըստ նրա` «վաղուց արդեն ժամանակն է Հայոց ցեղասպանության ճանաչման գործընթացը փոխարինել ցեղասպանության հետեւանքները վերացնելու քաղաքականությամբ: Մշտապես պետք է հիշել` այսօրվա մեր տկարության բուն պատճառը մեր տարածքային, նյութական եւ բարոյական կորուստներն են: Հայոց ցեղասպանության հետեւանքների վերացումը ոչ միայն եւ ոչ այնքան նպատակ է, որքան միջոց ՀՀ ապագան երաշխավորելու համար՚, - հայտարարեց թուրքագետը: