Ջրհեղեղ Բրազիլիայում

Ռիո Դե Ժանեիրոյի նահանգում ջրհեղեղի հետեւանքով զոհվածների թիվը վերջին տվյալներով հասել է 267–ի։ Մոտ 50 մարդ համարվում է անհետ կորած։ Ավելի քան 2000 մարդ մնացել է առանց տանիքի։ Մտավախություն կա, որ զոհերի թիվը կարող է եւ ավելին լինել: Սուրբ ծննդյան տոներից ի վեր շարունակվող ջրհեղեղի հետեւանքով անհայտ կորած են համարվում բազմաթիվ մարդիկ:

Ցեխն ու շենքերի փլատակները ծանր տեխնիկայով, բահերով, հաճախ էլ ուղղակի ձեռքով են փորում:

Ջրհեղեղը քշել-տարել է մեքենաներ, արմատախիլ արել ծառեր: Սողանքների հետեւանքով հարյուրավոր տներ մնացել են հողի տակ: Մարդիկ առաջին անհրաժեշտության իրերով աշխատում են հնարավորին բարձր տեղերում ապաստան գտնել: