ՀԵՏՔ. Գյումրու քաղաքապետը աչք է դրել շաքարի գործարանի վրա

Սա բառացիորեն պետք չէ հասկանալ: Իրականում Գյումրու քաղաքապետ Վարդան Ղուկասյանը ոչ թե ուզում է տիրանալ Սամվել Ալեքսանյանին պատկանող շաքարի գործարանին, այլ այդ գործարանից տվյալ համայնքի, այս դեպքում` Ախուրյանի համայնքային մուտքագրվող գումարին:

Ախուրյանի համայնքապետ Արծրուն Իգիթյանը տեղեկացրեց, որ այս խնդրով դիմել է վարչապետին` պատճառաբանելով, թե նպատակահարմար չի գտնում շաքարի գործարանի` հարեւան համայնքում գտնվելու փաստը, բայց քանի որ կառույցը տեղափոխելու հնարավորություն չկա, առաջարկել է փոխել պատկանելության հարցը:

Սա Գյումրու քաղաքապետի մտքի «տարեվերջյան փայլատակումների» շարքն ամփոփող գլուխգործոցներից են համարում հարեւան համայնքում: