ՌԴ ԶՈւ-ն հարվածներ է հասցրել Օդեսայի նավահանգստին, «Նեպտուն» համալիրին

Ռուսաստանի զինված ուժերը հուլիսի 21–ի լույս 22–ի գիշերը շարունակել են հարվածներ հասցնել Ուկրաինայի Օդեսայի մարզի նավահանգստային ենթակառուցվածքներին և ռազմական օբյեկտներին, որոնք օգտագործվում են Ուկրաինայի զինված ուժերի շահերի համար, գրում է Սպուտնիկ Արմենիան։

Ինչպես հայտնել են ռուսական ռազմական գերատեսչությունից, օդային բազավորման բարձր ճշգրտության զենքով և հարվածային անօդաչուներով խոցվել են Օդեսայի նավահանգստային ենթակառուցվածքի օբյեկտները, որոնք օգտագործվում էին ռազմական նշանակության բեռների բեռնաթափման և պահպանման համար, ինչպես նաև քսայուղային նյութերի ռեզերվուարները՝ նախատեսված Ուկրաինայի զինված ուժերի ապահովման համար:

Բացի այդ, Օդեսայում խոցվել է «Նովայա Պոչտա» ընկերության լոգիստիկ կենտրոնը, որն օգտագործվում էր ռազմական բեռների պահպանման համար:

Օդեսայի մարզի Կովալևկա բնակավայրում, ինչպես հայտարարել են գերատեսչությունից, հարված է հասցվել ուկրաինական «Նեպտուն» ափամերձ հրթիռային համալիրի մարտկոցին:

Ռուսաստանի պաշտպանության նախարարությունը հայտնել է նաև 2 ծովային նավերի խոցման մասին, որոնք, գերատեսչության տվյալներով, գտնվել են ծովում և օգտագործվել են Ուկրաինայի ԶՈւ–ի շահերի համար բեռներ տեղափոխելու նպատակով։