Իրանը ԱՄՆ-ի հետ վերջնական համաձայնագիրը կսկսի քննարկել հուշագրի իրականացումից հետո. Բաղայի

Թեհրանը Վաշինգտոնի հետ վերջնական համաձայնագրի շուրջ բանակցությունների կմտնի միայն իրանա-ամերիկյան հուշագրի մի քանի կետի կատարումից հետո։

Ինչպես հաղորդում է ՏԱՍՍ-ը, այս մասին հայտարարել է Իրանի ԱԳՆ ներկայացուցիչ Էսմայիլ Բաղային։

«Հանդիպումը պետք է ունենա նպատակ և անհրաժեշտություն։ Եթե մենք խոսում ենք վերջնական համաձայնագրի շուրջ բանակցությունների սկզբի մասին, ապա դա պայմանավորված է փոխըմբռնման հուշագրի 1, 5, 10 և 11-րդ կետերի կատարմամբ։ Առաջիկա օրերին մենք պետք է գնահատենք ընթացիկ գործընթացը և որոշենք, թե երբ սկսել վերջնական համաձայնագրի շուրջ բանակցությունները», – ասել է նա մամուլի ասուլիսի ժամանակ։

Ավելի վաղ Բաղային հայտարարել էր, որ Թեհրանը բանակցություններ կվարի միայն կատարական կողմի հետ։