Իրանին չի թույլատրվի վճար գանձել Հորմուզի նեղուցում․ Ռուբիո

ԱՄՆ պետքարտուղար Մարկո Ռուբիոն հայտարարել է, որ Վաշինգտոնի հետ հնարավոր վերջնական համաձայնագրի դեպքում Իրանին չի թույլատրվի վճար գանձել Հորմուզի նեղուցով անցնող նավերից։

«Ոչ մի երկիր իրավունք չունի միջազգային ջրային ճանապարհով անցնելու համար տուրքեր կամ վճարներ գանձել․ սա գործող միջազգային իրավունք է»,- հայտարարել է ԱՄՆ պետքարտուղար Մարկո Ռուբիոն՝ հավելելով, որ ԱՄՆ-ը մտադիր է ուղիղ համագործակցել Լիբանանի կառավարության հետ։ Ռուբիոն ընդգծել է, որ տարածաշրջանում ռազմական գործողությունների դադարեցումը դժվար է հասնել, քանի դեռ Իրանի կողմից աջակցվող խմբավորումները շարունակում են հրթիռային հարձակումները։

«Լիբանանի հարցն առանձնացված է Իրանի հարցից, քանի որ Լիբանանն ինքնիշխան պետություն է՝ սեփական կառավարությամբ։

Մենք պատրաստվում ենք բանակցել և աշխատել Լիբանանի կառավարության հետ»,-ասել է պաշտոնյան։