Փոխարժեքներ 16 01 2026
USD	⚊	$ 379.42
EUR	⚊	€ 441.46
RUB	⚊	₽ 4.8278
GBP	⚊	£ 509.18
GEL	⚊	₾ 140.79

կարևոր

Կյանքի ու հայրենիքի մարդը․ Մհեր Սահակյանի ֆենոմենը
3 ժամ առաջ Հասարակություն
Հայաստանի և Ադրբեջանի ներկայացուցիչները զննել են Երասխ-Սադարակ երկաթուղային հատվածի վիճակը
7 ժամ առաջ Քաղաքական
Պետք չէ մոռանալ ՔՊ մոտեցումը հայ գերիների հարցում. Ալենը վկա․ Տարոն Ղազարյանի արձագանքը
8 ժամ առաջ Քաղաքական
Վիգեն Էուլջեքջյանի կնոջ ՀՀ ժամանման տոմսի և կեցության հարցերը լուծել են ՀՅԴ անդամները․ Քրիստինե Վարդանյան
10 ժամ առաջ Հասարակություն
Մեր աղոթքն է, որ բոլոր գերյալները շուտափույթ և ապահովաբար վերադառնան Հայրենիք․ Գարեգին Բ
11 ժամ առաջ Հասարակություն
Միայն ուզում եմ տեսնել Վիգենին. Վիգեն Էուլջեքչյանի կինը չկարողացավ զսպել հուզմունքը
12 ժամ առաջ Հասարակություն
Քանի դեռ գերության դաժան ճիրաններում եք, ես հանգիստ չեմ ունենալու․ գերությունից վերադարձած
13 ժամ առաջ Հասարակություն
Պարգեւավճարների հարցը «ռազբորկաների» թեմա է դարձել․ «Հրապարակ»
15 ժամ առաջ Քաղաքական
Այս իշխանությունների հետ նույնիսկ «մատաղ ուտելու» չեն գնա. «Փաստ»
15 ժամ առաջ Հասարակություն
Հեղուկ գազի դեֆիցիտ է ստեղծվում՝ ադրբեջանական «քաղաքական բենզինի» իրացումն ապահովելու համար. «Ժողովուրդ»
15 ժամ առաջ Հասարակություն

763 դիտում,

1 ժամ առաջ - 2026-01-15 23:07

Հասարակություն

Սուրբ Հովհաննես Մկրտչի տոնը՝ գերության մեջ գտնվող սրբավայրերի ցավալի իրողության մեջ, Կարբիի եկեղեցում նշվեց Սուրբ Հովհաննես Մկրտչի ծննդյան տոն

Կարբիի Սուրբ Հովհաննես Մկրտիչ եկեղեցում նշվել է Հովհաննես Մկրտչի ծննդյան տոնը։

Քարոզի ժամանակ Տեր Վրթանես քահանան հիշեցրել է, որ Սուրբ Գրիգոր Լուսավորիչը Կեսարիա կատարած իր ուխտագնացության ընթացքում Հովհաննես Մկրտչի մասունքները բերել է Հայաստան և ամփոփել մի վայրում, որտեղ գոյություն ունեն ինը աղբյուրներ։

Հետագայում այդ մասունքներից մեկի վրա կառուցվել է Մշո Սուրբ Կարապետի վանքը, իսկ ժամանակի ընթացքում Հովհաննես Մկրտչի մասունքների վրա հիմնվել է շուրջ 200–206 եկեղեցի։
Նրանց թվում են եղել Արցախի Գանձասարի վանքը, որտեղ ամփոփված էր Հովհաննես Մկրտչի գանգը, ինչպես նաև մասունքակիր Մաստարայի, Ոսկեվազի և Օհանավանի Սուրբ Հովհաննես եկեղեցիները։ Այս պատմական ու հոգևոր ժառանգության համատեքստում այսօր նշվում է Հովհաննես Մկրտչի սուրբ ծնունդը։

Տեր Վրթանեսը նշել է, որ այս օրը նաև թեմակալ առաջնորդ Մկրտիչ եպիսկոպոս Պռոշյանի անվանակոչության օրն է, սակայն ցավով ընդգծել է, որ վերջինս ներկայումս ապօրինի կերպով գտնվում է կալանավայրում։
«Թեպետ մեր սիրելի թեմակալ առաջնորդը ֆիզիկապես մեզ հետ չէ, սակայն կալանավայրում լինելով՝ անդադար աղոթում է մեզ համար, և մենք խորապես զգում ենք նրա ներկայության պակասը»,– ասել է նա։

Քարոզի ընթացքում հավատացյալները աղոթել են նաև կալանավայրում գտնվող Միքայել արքեպիսկոպոսի, Բագրատ արքեպիսկոպոս Գալստանյանի, Արշակ արքեպիսկոպոս Խաչատրյանի, ինչպես նաև տնային կալանքի տակ գտնվող Տեր Գարեգինի և տիկին Նաիրա Ալավերդյանի համար։

Տեր Վրթանեսը շեշտել է, որ Հովհաննես Մկրտչի տոնի խորհուրդը հավատացյալներին կոչ է անում ապրել արդարությամբ, սրբությամբ, ժուժկալ և սակավապետ կյանքով՝ չվախենալով քարոզել Տիրոջ խոսքը և մարդկանց առաջնորդել դեպի ապաշխարություն։

«Հովհաննես Մկրտչի բարեխոսությամբ վստահ ենք, որ մեր Տեր Հիսուս Քրիստոսը կպահպանի մեզ բոլորիս, և Աստծո օգնությամբ կկարողանանք հաղթահարել այս դժվարին շրջանը»,– նշել է նա։

Քարոզում անդրադարձ է եղել նաև հայկական սրբավայրերի ներկայիս վիճակին։ Տեր Վրթանեսը ցավով նշել է, որ Մշո Սուրբ Կարապետի վանքը գտնվում է կիսաավերված վիճակում, Գանձասարի վանքը՝ ադրբեջանական վերահսկողության ներքո, իսկ Հովհանավանքը փաստացի գերության մեջ է, որտեղ վերջին շրջանում օրինական պատարագներ չեն մատուցվում։

Նրա խոսքով՝ անվտանգության նկատառումներից ելնելով և բախումներ թույլ չտալու համար, այսօր Հովհանավանք նախատեսված ուխտագնացությունը չի կայացել։