Լավրովին «ջերմ» ընդունելությամբ են սպառնացել Վրաստանում

Ռուսաստանի արտաքին գործերի նախարար Սերգեյ Լավրովի հնարավոր այցը Վրաստան վրդովմունքի ալիք է բարձրացրել վրաց հասարակությունում. ըստ Yerkir.am-ի՝ հայտնում է Коммерсантъ -ը:

Մայիսին Թբիլիսիում կկայանա Եվրոպայի խորհրդի (ԵԽ) նախարարների հանդիպումը, որին պետք է մասնակցի նաև Ռուսաստանի ԱԳՆ նախարարը: Վրացական ընդդիմության ներկայացուցիչները խոստացել են դիմավորել Լավրովին զանգվածային ցույցերով, որի ընթացքում կհորդորեն իշխանություններին կիրառել նրա դեմ «օկուպացիայի մասին օրենքը»:

Մասնավորապես, «Միասնական ազգային շարժում» կուսակցության անդամ Ռոման Գոցիրիձեն սպառնացել է Ռուսաստանի արտգործնախարարին «ջերմ» ընդունելությամբ: Դրանից բացի, նա քննադատել է իշխող «Վրացական երազանք» կուսակցությանը, որը թույլատրել է ռուս քաղաքական գործիչների նախորդ տարվա այցը։