Ռուսական Առաջին ալիքը զայրացրել է ադրբեջանցիներին

Օրերս ռուսական Առաջին ալիքը նյութ էր  պատրաստել Միշա Գրիգորյանի մասին: Հիշեցնենք, որ նա Ստեփանակերտից է և մասնակցում է ռուսական «Մանկական ձայն»-ին:

Ռեպորտաժում Միշան պատմում է Ստեփանակերտի մասին, հեծանիվ վարում, ներկայացնում է «Տատիկի-պապիկի» արձանը, ասում, որ իր սիրած եկեղեցին գտնվում է Շուշիում:

Այդ ամենն առաջացրել է ադրբեջանցիների զայրույթը, որոնք Առաջին ալիքին սադրանքի մեջ են մեղադրում: Մասնավորապես` այդպես է կարծում Minval.az-ի քաղաքական մեկնաբանը: Նա կրկնում է ադրբեջանական հին երգը «օկուպացված տարածքների» մասին և անգամ ասում, թե ժենգյալով հացն իրականում «կուտաբ է», նաև` իբր նյութում հնչող երաժշտությունն է ադրբեջանական: