Ալիևի սպառնալիքները շարունակվում են

ՀՀ նոր ղեկավարությունը  չպետք է կրկնի նախկին ռեժիմի սխալները և մոտ ժամանակներս բանակցային ճանապարհով պետք է  դուրս բերի ուժերը «գրավված տարածքներից». ըստ Азертадж-ի` հայտարարել է Ադրբեջանի նախագահ Իլհամ Ալիևը:

Նա ընդգծել է, որ Բաքուն մտադիր չէ հաշտվել առկա իրավիճակի հետ, որ միջազգային իրավունքի նորմերը աջակցում են նրանց դիրքորոշմանը:

Ալիևը նաև հիշեցրել է  ապրիլյան պատերազմի մասին` նշելով, որ իրենց իբր հաջողվել է տարածքներ ազատագրել:

«Մենք կշարունակենք մեծացնել ռազմական հզորությունը, և կարծում եմ` սա բանակցությունների կարևոր գործոնն է: Հուսով եմ, որ ՀՀ իշխանությունները, ճիշտ վերլուծելով  տարածաշրջանում ստեղծված իրավիճակը, մոտ ժամանակներս դուրս կբերեն իրենց ուժերը մեր հողերից: Հակառակ դեպքում հնարավոր է  ցանկացած տարբերակ, և մենք պատրաստ ենք ցանկացած  տարբերակի»,-եզրափակել է նա: