Իսպանիայի Գավաթ. «Բարսելոնա»-ն դուրս եկավ կիսաեզրափակիչ (տեսանյութ)

Իսպանիայի Գավաթի խաղարկության քառորդ եզրափակչի պատասխան խաղում կատալոնական «Բարսելոնա»-ն սեփական հարկի տակ 2 անպատասխան գնդակ ուղարկեց «Էսպանյոլ»-ի դարպասը:

Կապտանռագույնների կազմում  9-րդ րոպեին հաշիվը բացեց Լուիս Սուարեսը, իսկ 25-րդ րոպեին Լեո Մեսսին կրկնապատկեց իր թիմի առավելությունը: Արգենտինացին այս գոլով դարձավ  «Բարսելոնա»-ի 4000-րդ գոլի հեղինակը «Կամպ Նոու» մարզադաշտում: 

Հատկանշական է, որ այս խաղում  «Բարսելոնա»-ի  կազմում իր նորամուտը նշեց թիմի նորեկ Ֆիլիպե Կոուտինյոն:

Հիշեցնենք, որ թիմերի միջև առաջին հանդիպումն ավարտվել էր «Էսպանյոլ»-ի նվազագույն հաշվով հաղթանակով: Վալվերդեի թիմը հաղթելով ընդհանուր 2:1 հաշվով դուրս եկավ Իսպանիայի գավաթի խաղարկության կիսաեզրափակիչ:

Барселона - Эспаньол. Обзор матча. от ФУТБОЛЬНЫЕ ОБЗОРЫ на Rutube.