«Աղբը գցելու փոխարեն՝ զինվորներին են տալիս». սենսացիոն հայտարարություն Թուրքիայում զինվորների զանգվածային թունավորման կապակցությամբ

Օրեր առաջ Թուրքիայի Մանիսա նահանգում զինվորների զանգվածային թունավորման դեպք էր գրանցվել: Ճաշից հետո 800 զինվոր վատ ինքնազգացողության պատճառով դիմել էր հիվանդանոց:

Միջանկյալ նշենք, որ մի քանի օրվա ընթացքում Թուրքիայի տարբեր բրիգադներում թունավորման դեպքեր են գրանցվել: Նման դեպք էր գրանցվել նաև մանկապարտեզում. երեխաներն ու մանկապարտեզի աշխատակիցները նույնպես տեղափոխվել էին հիվանդանոց:

Մանիսայի զինվորական բրիգադի՝ սննդի մատակարարման կազմակերպության աշխատակիցներից մեկը սենսացիոն հայտարարություն է արել՝ պնդելով, որ զինվորների թունավորումը կապված է այն բանի հետ, որ ավելցուկներն ու նեխած սնունդը աղբը գցելու փոխարեն վերստին օգտագործում և մատուցում են զինվորներին: Նա նար նշել է, որ սննդի կետում ստուգումներ չեն արվում, քանի որ այն գտնվում է հենց բրիգադում:

Նշենք, որ թունավորման դեպքի գործով հետաքննությունը շարունակվում է: