«Ալաշկերտ»-ը երկարաձգել է պայմանագրերը 12 ֆուտբոլիստների հետ

Հայաստանի գործող չեմպիոն Երևանի «Ալաշկերտ»-ի ղեկավարությունը երկարաձգել է պայմանագրերը 12 ֆուտբոլիստների հետ, որոնց գործող համաձայնագրերի ժամկետները մոտ էին ավարտին:

Ինչպես հայտնում է ակումբի մամուլի ծառայությունը, 1.5 տարով երկարաձգվել են Գևորգ Կասպարովի, Արսեն Բեգլարյանի, Արարատ Առաքելյանի, Դմիտրի Խովբոշայի, Արտակ Դաշյանի, Խորեն Վերանյանի, Իրակլի Կվեկվեսկիրիի, Արտակ Եդիգարյանի, Արթուր Եդիգարյանի, Վահագն Մինասյանի, Արտակ Գրիգորյանի և Գևորգ Նռանյանի հետ գործող պայմանագրերը:

Հիշեցնենք, որ ընթացիկ առաջնության 24 տուրից հետո Աբրահամ Խաշմանյանի թիմը 48 միավորով գլխավորում է մրցաշարային աղյուսակը: