«Հանուն ժողովրդավարության» միությունը պահանջում է չեղարկել Թուրքիայում հանրաքվեի արդյունքները

Թուրքիայում «Հանուն ժողովրդավարության» միությունը, որի անդամ է նաև Մարդու իրավունքների եվրոպական դատարանի նախկին դատավոր Ռըզա Թուրմենը, գրավոր հայտարարություն է տարածել Թուրքիայում ապրիլի 16-ին կայացած սահմանադրական փոփոխությունների վերաբերյալ հանրաքվեի մասին:

Ըստ Demokrathaber-ի՝ հայտարարության մեջ մասնավորապես նշվել է, որ պետք է վերջ դնել քաղաքացիների կամքին հակառակ պարտադրվող սահմանադրական փոփոխություններին: Միությունը նաև պահանջել է հանրաքվեի արդյունքների չեղարկում ու Բարձրագույն ընտրական խորհրդի անդամների հրաժարականը:

Թուրքիայում հանրաքվեի արդյունքները բողոքի մեծ ալիք են բարձրացրել ոչ միայն երկրում, այլև միջազգային կառույցներում: Փոփոխություններին «ոչ» ասողները համոզված են՝  Բարձրագույն ընտրական խորհուրդը կեղծել է ընտրությունների արդյունքները: