Պետք է համարժեք պատասխան տրվի. ՀՀԿ

Այսօր` խորհրդարանական ճեպազրույցների ժամանակ, ԱԺ ՀՀԿ խմբակցության ղեկավար Վահրամ Բաղդասարյանը, խոսելով սահմանային լարվածության մասին, որի ժամանակ զոհվել և վիրավորվել են խաղաղ բնակիչներ, ասաց, որ նախօրեին հայտարարություններով հանդես են եկել և՛ ԱԳՆ-ն, և՛ պաշտպանության նախարարությունը, և եթե Ադրբեջանի կողմից նման ագրեսիան շարունակվի, ապա դրա համարժեք պատասխանը պետք է ստանան:

«Բայց, համենայն դեպս, ես չեմ պատկերացնում, որ այդպիսի լուծում կլինի: Այսօր Նյու Յորքում ՄԱԿ-ի Գլխավոր վեհաժողովի ժամանակ նաև կլինի Հայաստանի և Ադրբեջանի արտաքին գործերի նախարարների հանդիպումը: Ինձ թվում է` այդ հարցը նորից կքննարկվի: Ես այն համոզման եմ եկել, որ եթե նման ձևով շարունակվի, և մեր խաղաղ բնակչության նկատմամբ նման ագրեսիա գործադրվի, պետք է համարժեք պատասխան տրվի»,- ասաց պատգամավորը: