Գյումրիում սպանդից փրկված 6 ամսական փոքրիկին կտեղափոխեն Երևան

Գյումրիում տեղի ունեցած դաժան սպանդից փրկված` 6 ամսական Սերգեյ Ավետիսյանի վիճակն այս գիշերվա ընթացքում փոքր-ինչ կայունացել է: Այս մասին Yerkir.am-ի հետ զրույցում նշեց «Գյումրու Մոր և մանկան ավստրիական հիվանդանոց»-ի տնօրեն Աշոտ Կուրղինյանը:

Նա տեղեկացրեց, որ բժիշկները, այնուամենայնիվ, փոքրիկի վիճակը գնահատում են կայուն ծանր:

«Երեկ երեկոյան մեզ այցելեցին Երևանի «Սուրբ Աստվածամայր» բուժկենտրոնի բժիշկները, քննեցին փոքրիկի առողջական վիճակը, գիշերը մնացին մեզ մոտ: Համատեղ որոշում կայացվեց, որ փոքրիկը տեղափոխվի Երևան` «Սուրբ Աստվածամայր» բուժկենտրոն»,- ասաց Կուրղինյանը` հավելելով, որ փոքրիկին Երևան կտեղափոխեն այսօր: