Մոսկվա-Երևան ավտոբուսի վթարից տուժած երկրորդ վարորդին այսօր գիշերը կտեղափոխեն Հայաստան

Առողջապահության փոխնախարար Վահան Պողոսյանն այսօր լրագրողների հետ հանդիպման ընթացքում ասաց, որ ՌԴ Բեսլան քաղաքի մոտ հոկտեմբերի 14-ին տեղի ունեցած Մոսկվա-Երևան ավտոբուսի վթարի հետևանքով տուժածներից 27 անձ և մեկ դիակ օդանավով Հայաստան են տեղափոխվել:

«Մի քանիսին ամբուլատոր օգնություն ենք ցուցաբերել, ներկայումս որևէ մարդ չկա մեր հիվանդանոցներում, Ռուսաստանում չորս անձինք են հիվանդանոցներում»,- ասաց փոխնախարարը, ապա տեղեկացրեց, որ վթարի հետևանքով տուժած երկրորդ վարորդին այսօր գիշերը կտեղափոխեն Հայաստան:

«Երկրորդ վարորդն է Ռուսաստանում գտնվող չորս անձանցից մեկը, Սաինյան Արենը, ով ստացել է աչքի վնասված»,- ասաց նա: