Իրանում խոլերայով հիվանդների թիվը աճում է

ՀՀ-ում շարունակվում են կանխարգելիչ եւ սահմանափակող բոլոր անհրաժեշտ միջոցառումները՝ հանրապետության տարածք խոլերա հիվանդության ներբերումը եւ հետագա տարածումը կանխարգելելու նպատակով:

Հարեւան Իրանում խոլերայով հիվանդության դեպքերի թիվը հասել է 210-ի։ Հիվանդների մեծ մասը Աֆղանստանի քաղաքացիներ են: Խոլերայի համաճարակի  լարված իրավիճակով պայմանավորված ` ՀՀ առողջապահության նախարարության կողմից ՀՀ պետական սահմանի Մեղրիի եւ «Զվարթնոց» օդանավակայանի անցման կետերում արդեն կատարվել է Իրանից Հայաստան ժամանող 1564 ուղեւորների զննում եւ ջերմության չափում:

Հիվանդությունն Իրան է ներբերվել Աֆղանստանի եւ Պակիստանի տարբեր վայրերից։ Հայաստանում հիվանդության դեպք չի արձանագրվել: