Սպիտակ տունը դատապարտել է Նավալնիի դեմ կայացված վճիռը

Սպիտակ տունը մտահոգություն և հիասթափություն է հայտնել ռուս ընդդիմադիր գործիչ Ալեքսեյ Նավալնիի գործով Կիրովի դատարանի կայացրած վճռի կապակցությամբ. հայտնում է Лента.ру-ն: Ճեպազրույցի ուղիղ հեռարձակումը կազմակերպվել է Սպիտակ տան կայքում:

Սպիտակ տան պաշտոնական ներկայացուցիչ Ջեյ Քարնիի խոսքերով` Նավալնիի դեմ մեղադրանքները քաղաքականացված են, իսկ գործում ընթացակարգային խախտումներ են թույլ տրվել:

Նշենք, որ Լենինսկի շրջանի Կիրովի դատարանը մեղավոր է ճանաչել ռուս ընդդիմադիր գործիչ, բլոգեր Ալեքսեյ Նավալնիին «Կիրովլես» ընկերության սեփականությունն ապօրինաբար սեփականաշնորհելու համար։ Նավալնին 5 տարվա ազատազրկման է դատապարտվել: