Հայ հաքերին սպառնում է 105 տարվա բանտարկություն

Հունվարի 29-ին ԱՄՆ Հետաքննությունների դաշնային բյուրոն ձերբակալել է 27-ամյա ցանցահեն Կարեն (Գարի) Ղազարյանին, որին ներկայացվել է համակարգիչներ կոտրելու եւ շանտաժ անելու մեղադրանք: ԱՄՆ արդարադատության նախարարությունը նշում է, որ ներկայացված մեղադրանքների հանրագումարով կիբերհանցագործին սպառնում է 105 տարվա բանտարկություն. տեղեկացնում է newsru.co.il-ը:

Երկարատեւ ժամանակ Ղազարյանը կոտրել է Facebook-ի կին օգտատերերի ըքաունտներ, նաեւ` էլեկտրոնային փոստեր: Նա գործել է sextortion սխեմայով. զոհին ներկայացել է որպես նրա ընկերուհի, հետո առաջարկել է ինտիմ լուսանկարներ փոխանակել կամ գտել է «փակի տակ» եղած նման լուսանկարներ, այնուհետեւ զոհերից պահանջել է  օնլայն կապի ժամանակ մերկ հայտնվել իր առջեւ` սպառնալով, հակառակ դեպքում, հրապարակել նրանց լուսանկարները:

Ղազարյանին զոհ է դարձել 350 կին: