Ուրիխանյան-Բարսեղյան գործի դատավճիռը բլոգերը կբողոքարկի

Դատարանը մինչ վերջնական վճիռ կայացնելը բավարարել է ԲՀԿ-ական Տիգրան Ուրիխանյանի պահանջը ու արգելել demotivator.am կայքի սեփականատեր Էդգար Բարսեղյանին հրապարակել և տարածել հայցվորին վերաբերող որևէ նյութ, նաև պարտադրել է համացանցից հանել հայցի առարկա հանդիսացող մոնտաժված լուսանկարները: Սակայն բլոգեր Էդգար Բարսեղյանը  բողոքարկելու է վճիռը: Այս մասին բլոգերը գրել է demotivator.am կայքում:

Հիշեցնենք, որ ԲՀԿ խոսնակ Տիգրան Ուրիխանյանը դատական հայց է ներկայացրել բլոգեր Էդգար Բարսեղյանի դեմ: Նա պահանջում է իր պատիվը, արժանապատվությունն ու գործարար համբավը պատկերի միջոցով արատավորելու համար պարտավորեցնել պատասխանողին հրապարակային ներողություն խնդրել և որպես փոխհատուցում 1.000.000 դրամ բռնագանձել (+500.000 իր կողմից վարձաձ փաստաբանի վճարը, +30.000 տուրք) հօգուտ հայցվորի։ Այդ պահանջների հետ մեկտեղ ներկայացնում է նաև Demotivator.am և Blognews.am կայքերից և սոցցանցերից հայցվորի պատիվը, արժանապատվությունն ու գործարար համբավը արատավորող նյութերը հեռացնելու պահանջ:

Այս գործով առաջին նիստը տեղի է ունեցել դեկտեմբերի 24-ին: