Հայ-եգիպտական մշակութային պայմանագիր

ՀՀ մշակույթի նախարարությունը և Եգիպտոսի Արաբական Հանրապետության մշակույթի նախարարությունը կնքել են փոխադարձ համաձայնագիր, որի համաձայն` անհրաժեշտ է խրախուսել 2 երկրների միջև թատերարվեստի և երաժշտարվեստի բնագավառներում համագործակցությունը:

Մասնավորապես` նախատեսվել են ազգային օպերային թատրոնների, ազգագրական, ժողովրդական գործիքների խմբերի փոխանակումներ, աջակցություն կինոարվեստի, կերպարվեստի և կիրառական արվեստի ոլորտում 2 երկրներում կազմակերպվող արվեստի միջազգային փառատոներին կողմերի մասնակցությանը:

Նախատեսվում է նաև մասնակցություն մանկական ֆիլմերի միջազգային փառատոներին:

Գործնական ծրագրի դրույթներին համապատասխան` կշարունակվի համագործակցությունը նաև 2 երկրների ազգային գրադարանների միջև. կկազմակերպվեն փորձի փոխանակումներ իրենց ազգային ժառանգության պահպանության, վերականգնման և թվայնացման ոլորտներում, հրատարակությունների փոխանակումներ, դասընթացներ, սեմինարներ և միջազգային համաժողովներ: