Մրցավարը ներողություն է խնդրել մեր հավաքականից

Հունիսի 4-ին կայացած Եվրո-2012-ի ընտրական փուլի Ռուսաստան-Հայաստան հանդիպման գլխավոր մրցավար Ստեֆան Լանուան ներողություն է խնդրել մեր հավաքականի տղաներից նշանակած 11 մետրանոցի համար: Այս մասին Սարգիս Հովսեփյանը պատմել է Советский спорт-ի հետ հարցազրույցում:

«Իհարկե, տուգանային չի եղել: Բոլորը դա տեսան, մենք հանդերձարանում ևս մեկ անգամ դիտեցինք կրկնապատկերը»,- ասել է Լանուան:

Հիշեցնենք, որ հանդիպման 72-րդ րոպեին Ժիրկով-Հովսեփյան բախման ժամանակ մրցավարն արձանագրեց խախտում: Եվ 73-րդ րոպեին տուգանային  հարվածն անվրեպ իրացրեց Պավլյուչենկոն:

Քանի որ նման իրավիճակներում «լավ է ուշ, քան երբեք» տարբերակը չի աշխատում, ուրեմն պահանջում ենք որակազրկել «կարճատես» մրցավարին: