Էրդողանը ոչնչից չի խորշում

Վերջերս Թուրքիայի «Ազգայնական շարժում» ընդդիմադիր կուսակցության որոշ ղեկավարներ հրաժարական են տվել: Պատճառն այն է, որ նրանց սեռական կյանքին վերաբերող տեսագրություններ էին շրջանառվել: Հիշեցնենք նաեւ, որ անցյալ տարի նույն պատճառով պաշտոնից հեռացրել էր Ժողովրդա-հանրապետական կուսակցության առաջնորդ Դենիզ Բայքալը:

«Խաղաղություն եւ ժողովրդավարություն» կուսակցությունից քուրդ պատգամավոր Հասիփ Ղափլանի կարծիքով` այդ ամենը վարչապետ Ռեջեփ Թայիփ Էրդողանի սարքած գործն է. տեղեկացնում է Firat գործակալությունը:

«Էրդողանն ամեն ինչ անում է, որ պահի իշխանությունը: Միթե՞ իսլամում դա բարոյական է համարվում:  Ուրիշների սեռական կյանքն ի ցույց դնելով` վարչապետը դարձել է պոռնո քաղաքականության Թայիփ էֆենդին»,- հայտարարել է պատգամավորը: