Զելենսկին հայտարարել է, որ Ուկրաինան բավարար աջակցություն չի ստանում ԱՄՆ-ից

Ուկրաինայի նախագահ Վոլոդիմիր Զելենսկին հայտարարել է, որ երկիրը բավարար աջակցություն չի ստանում ԱՄՆ-ից՝ մատնանշելով հակաօդային պաշտպանության հրթիռների մատակարարումների ծավալը և արբանյակային կապի պահպանվող սահմանափակումները։ Ինչպես տեղեկացնում է «Արմենպրես»-ը, Զելենսկին այս մասին ասել է ABC News հեռուստաընկերությանը տված հարցազրույցում։ Նրա խոսքով՝ վերջին երեք ամսում Ուկրաինան ԱՄՆ-ից ստացել է Patriot համակարգերի ընդամենը 24 որսացող հրթիռ, մինչդեռ ամսական միջինում անհրաժեշտ է 350-ը։

«Մենք չենք լացում և չենք գոռում, բայց սա շատ կարևոր է։ Ես պարզապես փորձում եմ ասել, որ յուրաքանչյուր հրթիռ կարևոր է»,– նշել է Ուկրաինայի նախագահը։