«Նուբարաշեն»-ի անվտանգության ապահովման բաժնի ծառայողը ցանկացել է արգելված իրեր փոխանցել դատապարտյալներին

Քրեակատարողական ծառայությունից հայտնում են՝ կանխվել է դատապարտյալներին արգելված իրեր փոխանցելու փորձը․

«Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնում ստացվել էին օպերատիվ տեղեկություններ այն մասին, որ «Նուբարաշեն» քրեակատարողական հիմնարկի անվտանգության ապահովման բաժնի ծառայողը պատրաստվում է արգելված իրեր փոխանցել ազատազրկված անձանց։

Հոկտեմբերի 12-ին տարածքային բաժնի ծառայողների կողմից իրականացված բացատրական աշխատանքների արդյունքում անվտանգության ապահովման բաժնի ծառայողն իր անձնական ավտոմեքենայից ինքնակամ հանձնել է պոլիէթիլենային տոպրակ, որում առկա է եղել երկու բջջային հեռախոս։ Անվտանգության ապահովման բաժնի ծառայողը հայտարարել է, որ տվյալ հեռախոսները ցանկացել է փոխանցել ազատազրկված անձանց։ Դեպքի առթիվ ձեռնարկվել են համապատասխան միջոցառումներ»։