Պուտինը Ուիտկոֆի հետ ՌԴ-ում կհանդիպի 6-րդ անգամ

Ռուսաստանի նախագահ Վլադիմիր Պուտինը ԱՄՆ նախագահի հատուկ բանագնաց Սթիվ Ուիտկոֆի հետ հանդիպում կանցկացնի 6-րդ անգամ: Այս մասին հայտնում է ՌԻԱ Նովոստիի թղթակիցը:

Ուիտկոֆը և ԱՄՆ նախագահի փեսան՝ Ջարեդ Քուշները, այսօր ժամանել են Մոսկվա՝ մասնակցելու Պուտինի հետ Ուկրաինայի հակամարտության կարգավորման շուրջ բանակցություններին:

Առաջին անգամ Ռուսաստանի առաջնորդը և ԱՄՆ նախագահի հատուկ բանագնացը քննարկում են անցկացրել ուկրաինական հակամարտության կարգավորման վերաբերյալ 2025-ի ապրիլի 11-ին Սանկտ Պետերբուրգում։ Պուտինի երկրորդ բանակցությունները ԱՄՆ-ի բանակցողների հետ տեղի են ունեցել անցյալ տարվա ապրիլի 25-ին: Դրանից հետո մայիսի կեսերին տեղի են ունեցել Ռուսաստանի, ԱՄՆ-ի և Ուկրաինայի եռակողմ բանակցությունները։

ՌԴ նախագահի երրորդ հանդիպումը ԱՄՆ-ի բանագնացների հետ տեղի է ունեցել օգոստոսի 6-ին՝ Անքորիջում Պուտինի և ԱՄՆ-ի նախագահ Դոնալդ Թրամփի հանդիպումից առաջ:

Ալյասկայում Ուիտկոֆը և Քուշները երկու նախագահների գագաթաժողովին մասնակցել են ամերիկյան կողմի պատվիրակության կազմում: Չորրորդ անգամ Պուտինը Ուիտկոֆի հետ շփվել է անցած տարվա դեկտեմբերի 2-ին Մոսկվայում։ Վերջին՝ հինգերորդ հանդիպումը տեղի է ունեցել այս տարվա հունվարի 22-ին։