Ո՞վ է իրականում Արարատյան հայրապետական թեմի առաջնորդը, և ո՞ւմ կողքին են որոշ քահանաներ. պատմաբանի դիտարկումը

Պատմաբան, ԵՊՀ դոցենտ Միքայել Մալխասյանն անդրադարձել է տիրադավ հոգևորականների և Նիկոլ Փաշինյանի ապօրինի հայտարարությանը միացող մի քանի քահանաների գրառումներին` նշելով. 

«Արարատյան Հայրապետական թեմի առաջնորդը, ի պաշտոնե, Ամենայն Հայոց Կաթողիկոսն է։ Եթե որոշները գրում են, թե իրենց առաջնորդի հետ են, և ուրիշ անուն են նշում, ուրեմն կամ ծածուկ հավատարիմ են Վեհափառին, կամ էլ այդ փաստն անգամ չգիտեն, որ հայտնի է 6-րդ դասարանը հաղթահարած ցանկացած աշակերտին։ Եթե երկրորդ տարբերակի հետ գործ ունենք, ուրեմն ի ցույց է դրվում քահանայական օծում ունենալու պարագայում տարրական գիտելիքի բացակայությունը, հետևաբար հույս տածենք, որ առաջին ենթադրությունն իրական լինի»։