Դատարանը Սամվել Կարապետյանի կալանքը երկարաձգելու միջնորդությունը կքննի նոյեմբերի 17-ին

Նոյեմբերի 17–ին հակակոռուպցիոն դատարանում տեղի կունենա գործարար, բարերար Սամվել Կարապետյանի կալանքի երկարաձգման միջնորդության քննությունը։ Այս մասին հայտնել է Կարապետյանի փաստաբան Արամ Վարդևանյանը ֆեյսբուքյան եթերում։

«Նոյեմբերի 17-ին՝ ժամը 10:00-ին, դատավոր Սարգիս Դադոյանի նախագահությամբ տեղի կունենա Սամվել Կարապետյանի կալանքը երկարաձգելու միջնորդության քննությունը», - ասել է Վարդևանյանը:

Փաստաբանը բացատրել է, որ նոյեմբերի 13-ին Սամվել Կարապետյանի գործով վերաքննիչ հակակոռուպցիոն դատարանը պետք է որոշում կայացներ պաշտպանական կողմից ներկայացված բողոքի, ինչպես նաև դատախազության կողմից ներկայացված բողոքների վերաբերյալ։