Ռուսաստանում տաքսի վարե՞լ եք, իշխանության հրահանգո՞վ եք եկել Հայաստան․ լրագրողները՝ Փաշինյանի շոուի մասնակից Տեր Տարոնին

Տեր Տարոն քահանա Հունանյանը, ով մասնակցել էր Հովհաննավանքում կարգալույծ արված Ստեփան Ասատրյանի  շոու պատարագին, այսօր կանչվել էր Մայր Աթոռ։ Սակայն նա հրաժարվել էր Կարգապահական հանձնաժողովի հետ քննել իր հարցը։
 
Ի դեպ Տեր Տարոնը Մայր Աթոռի բակ էր հրավիրել լրագրողներին, որոնց կողմից ուղղված շատ հարցերի նա խուսափեց պատասխանել ։  

«Ինչի՞ եք լրագրողներին հրավիրել, եթե չեք պատասխանում․ դուք արդեն քաղաքականցրել եք եկեղեցու հետ Ձեր հարաբերությունը»,- աղմկահարույց քահանային հիշեցրեցին լրագրողները։  
Նշենք, որ տևական ժամանակ է հիշյալ քահանան Ռուսաստանում է, նրանից հետաքրքրվեցին, թե արդյո՞ք Ռուսաստանում տաքսի է վարել, խուսափեց պատասխանել՝  հորդորելով լրագրողներին անձնական հարցեր չտալ։