Բաքվի դատարանում Դավիթ Մանուկյանը միջնորդել է «իր վրայից հանել» կազմակերպված հանցավոր խումբ ստեղծելու մեղադրանքը

Ըստ ադրբեջանական լրատվամիջոցների՝ այսօրվա նիստում շարունակվել է փաստաթղթերի ընթերցումը։ Ադրբեջանական կայքերը նշում են, որ ՊՆ նախկին հրամանատար Լևոն Մնացականյանի փաստաբան Օկտայ Մադաթովը խնդրել է դատարանին հնարավորություն տալ իրեն հանդիպել իր պաշտպանյալի հետ ընդմիջման ժամանակ։ Դատավորը նշել է, որ դրա համար պայմաններ կստեղծվեն։

Գեներալ Դավիթ Մանուկյանը միջնորդություն է ներկայացրել՝ խնդրելով հանել կազմակերպված հանցավոր խումբ ստեղծելու մեղադրանքը քրեական գործից և քննարկել այն առանձին վարույթում։ Դատարանը, տեղում խորհրդակցություն անցկացնելուց հետո, միջնորդությունը մերժել է, նշում են ադրբեջանական աղբյուրները։