Իշխանությունը ՀՀ-ում կառուցում է բռնապետական վարչակարգ, որտեղ դատարանները իշխանության ձեռքին բութ գործիք են. ՀՅԴ ՀԳՄ

ՀՅԴ Հայաստանի Գերագույն մարմինը հայտարարություն է տարածել խստորեն դատապարտելով Միքայել արքեպիսկոպոս Աջապահյանին երկու տարվա ազատազրկման դատապարտելու անօրինական և խայտառակ որոշումը:

«Սա ոչ միայն հոգևորականի դեմ իրականացված հաշվեհարդար է, այլև Հայ Առաքելական Սուրբ Եկեղեցու, մեր ազգային ինքնության և քաղաքացիների ազատ արտահայտման իրավունքի դեմ ուղղված քաղաքական հարձակում։ Այս վճիռը ևս մեկ ապացույց է, որ գործող իշխանությունը Հայաստանում կառուցում է բռնապետական վարչակարգ, որտեղ դատարանները վերածվում են իշխանության ձեռքին բութ գործիքի։

Վստահ ենք՝ հեռու չէ այս ամենի համար պատասխան տալու ժամանակը»,- նշված է ՀՅԴ Հայաստանի Գերագույն մարմնի տարածած հայտարարության մեջ: