Պուտինի և Ալիևի միջև Պեկինում հանդիպման վերաբերյալ պայմանավորվածություն չկա. Ուշակով

Ռուսաստանի նախագահի օգնական Յուրի Ուշակովը հայտարարել է, որ Վլադիմիր Պուտինի և Իլհամ Ալիևի միջև Պեկինում հանդիպման վերաբերյալ պայմանավորվածություն դեռևս չկա։ Սակայն, երկու առաջնորդներն էլ սեպտեմբերի 3-ին ներկա կլինեն Երկրորդ համաշխարհային պատերազմում Հաղթանակի 80-ամյակին նվիրված միջոցառումներին, ուստի, ըստ նրա, «ամեն ինչ հնարավոր է, եթե կա ցանկություն»:

Այդ օրը Չինաստանում Տյանանմեն հրապարակում Հաղթանակի տարեդարձի պատվին ռազմական շքերթ կանցկացվի: Նախկինում հաղորդվել էր, որ տոնակատարություններին կմասնակցեն 26 օտարերկրյա առաջնորդներ:

«Չգիտեմ: Մենք հատուկ չենք պայմանավորվել այս հանդիպման վերաբերյալ: Բայց կրկին, առաջնորդները կլինեն նույն սեղանի շուրջ, նույն միջոցառումներին: Ինչպես ասում են, ամեն ինչ հնարավոր է, եթե կա ցանկություն, կա կամք», – նշել է Ուշակովը՝ պատասխանելով Պուտինի և Ալիևի հնարավոր հանդիպման մասին լրագրողների հարցերին։