Ստացվում է՝ ԵՄ-ի հետ անդամակցության չենք ձգտում, էդ դեպքում ինչո՞ւ ենք ընդունում այս օրենքը․ Արմեն Գևորգյանը՝ ԱԳ փոխնախարարին

ԱԺ եվրոպական ինտեգրման հարցերի մշտական հանձնաժողովն այսօր հրավիրած արտահերթ նիստում երկրորդ ընթերցմամբ քննարկել է «Եվրոպական միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագիծը:
 

ՀՀ արտաքին գործերի նախարարի տեղակալ Պարույր Հովհաննիսյանը, ներկայացնելով կառավարության դրական դիրքորոշումը, նշել է, որ գործադիրն ունի մի քանի առաջարկ՝ իրավական տեխնիկայի վերաբերյալ:
 

«Հայաստան»խմբակցության պատգամավոր Արմեն Գևորգանի հարցին ի պատասխան Պարույր Հովհաննիսյանն ասաց, որ ներկայացվող օրենքը չի հանդիսանում ԵՄ անդամակցության հայտ։

Օրենքի նախագծի քվեարկությունը հետաձգվել է: