Մակրոնը հայտարարել է, որ Փարիզը Կիևին կօգնի բանակցություններ վարել

Փարիզը Կիևին օգնություն կցուցաբերի Ուկրաինայում կարգավորման շուրջ բանակցություններ վարելու հարցում։ Այս մասին Վլադիմիր Զելենսկու հետ հեռախոսազրույցի ավարտին հայտարարել է Ֆրանսիայի նախագահ Էմանուել Մակրոնը։

Նրա խոսքով` Զելենսկին զրույցի ընթացքում իրեն վստահեցրել է, որ եթե Ռուսաստանի և ԱՄՆ-ի նախագահներ Վլադիմիր Պուտինը և Դոնալդ Թրամփը հրադադարի մասին պայմանավորվածություններ ձեռք բերեն, դա «հիանալի նորություն» կլինի։

«Բայց միայն ուկրաինացիները կարող են բանակցել ամուր և երկարատև խաղաղության շուրջ։ Մենք կօգնենք նրանց... Ֆրանսիան իր դերը կունենա այս գործընթացի արագացման գործում»,-գրել է Մակրոնը X սոցիալական ցանցի իր էջում: